श्री वेंकटेश सुप्रभातम्

कौसल्या सुप्रजा राम पूर्वा सन्ध्या प्रवर्तते ।Kausalya Supraja Rama Purva Sandhya Pravartate

उत्तिष्ठ नरशार्दूल कर्तव्यं दैवमाह्निकम् ॥१॥1॥॥1॥Uttishtha Narashardula Kartavyam Daivamahnikam

उत्तिष्ठोत्तिष्ठ गोविन्द उत्तिष्ठ गरुडध्वज ।Uttishthottishtha Govinda Uttishtha Garudadhvaja

उत्तिष्ठ कमलाकान्त त्रैलोक्यं मङ्गलं कुरु ॥२॥2॥॥2॥Uttishtha Kamalakanta Trailokyam Mangalam Kuru

मातस्समस्तजगतां मधुकैटभारेःMatas Samasta Jagatam Madhukaitabhareh

वक्षोविहारिणि मनोहरदिव्यमूर्ते ।Vakshoviharini Manohara Divyamurte

श्रीस्वामिनि श्रितजनप्रियदानशीलेSri Swamini Shritajana Priya Danashile

श्रीवेङ्कटेशदयिते तव सुप्रभातम् ॥३॥3॥॥3॥Sri Venkatesha Dayite Tava Suprabhatam

तव सुप्रभातमरविन्दलोचनेTava Suprabhatam Aravinda Lochane

भवतु प्रसन्नमुखचन्द्रमण्डले ।Bhavatu Prasanna Mukha Chandra Mandale

विधिशङ्करेन्द्रवनिताभिरर्चितेVidhi Shankarendra Vanitabhir Archite

वृषशैलनाथदयिते दयानिधे ॥४॥4॥॥4॥Vrishashaila Natha Dayite Dayanidhe

अत्र्यादिसप्तऋषयस्समुपास्य सन्ध्यांAtryadi Saptarishayas Samupasya Sandhyam

आकाशसिन्धुकमलानि मनोहराणि ।Akasha Sindhu Kamalani Manoharani

आदाय पादयुगमर्चयितुं प्रपन्नाःAdaya Padayugam Archayitum Prapannah

शेषाद्रिशेखरविभो तव सुप्रभातम् ॥५॥5॥॥5॥Sheshadri Shekhara Vibho Tava Suprabhatam

पञ्चाननाब्जभवषण्मुखवासवाद्याःPanchananabja Bhava Shanmukha Vasavadyah

त्रैविक्रमादिचरितं विबुधाः स्तुवन्ति ।Traivikramadi Charitam Vibudhah Stuvanti

भाषापतिः पठति वासरशुद्धिमारात्Bhashapatih Pathati Vasara Shuddhim Arat

शेषाद्रिशेखरविभो तव सुप्रभातम् ॥६॥6॥॥6॥Sheshadri Shekhara Vibho Tava Suprabhatam

ईषत्प्रफुल्लसरसीरुहनारिकेल-Ishat Praphulla Sarasiruha Narikela

पूगद्रुमादिसुमनोहरपालिकानाम् ।Puga Drumadi Sumanohara Palikanam

आवाति मन्दमनिलस्सह दिव्यगन्धैःAvati Mandam Anilas Saha Divya Gandhaih

शेषाद्रिशेखरविभो तव सुप्रभातम् ॥७॥7॥॥7॥Sheshadri Shekhara Vibho Tava Suprabhatam

उन्मील्य नेत्रयुगमुत्तमपञ्जरस्थाःUnmilya Netrayugam Uttama Panjarasthah

पात्रावशिष्टकदलीफलपायसानि ।Patravashishta Kadali Phala Payasani

भुक्त्वा सलीलमथ केलिशुकाः पठन्तिBhuktva Salilam Atha Kelishukah Pathanti

शेषाद्रिशेखरविभो तव सुप्रभातम् ॥८॥8॥॥8॥Sheshadri Shekhara Vibho Tava Suprabhatam

तन्त्रीप्रकर्षमधुरस्वनया विपञ्च्याTantri Prakarsha Madhura Svanaya Vipanchya

गायत्यनन्तचरितं तव नारदोऽपि ।Gayatyananta Charitam Tava Naradopi

भाषासमग्रमसकृत्करचाररम्यंBhasha Samagram Asakrit Karachara Ramyam

शेषाद्रिशेखरविभो तव सुप्रभातम् ॥९॥9॥॥9॥Sheshadri Shekhara Vibho Tava Suprabhatam

भृङ्गावली च मकरन्दरसानुविद्ध-Bhringavali Cha Makaranda Rasanuviddha

झङ्कारगीतनिनदैः सह सेवनाय ।Jhankara Gita Ninadaih Saha Sevanaya

निर्यात्युपान्तसरसीकमलोदरेभ्यःNiryatyupanta Sarasi Kamalodarebhyah

शेषाद्रिशेखरविभो तव सुप्रभातम् ॥१०॥10॥॥10॥Sheshadri Shekhara Vibho Tava Suprabhatam

योषागणेन वरदध्नि विमथ्यमानेYoshaganena Varadadhni Vimathyamane

घोषालयेषु दधिमन्थनतीव्रघोषाः ।Ghoshalayeshu Dadhimanthana Tivra Ghoshah

रोषात्कलिं विदधते ककुभश्च कुम्भाःRoshat Kalim Vidadhate Kakubhashcha Kumbhah

शेषाद्रिशेखरविभो तव सुप्रभातम् ॥११॥11॥॥11॥Sheshadri Shekhara Vibho Tava Suprabhatam

पद्मेशमित्रशतपत्रगतालिवर्गाःPadmesha Mitra Shatapatra Gatalivargah

हर्तुं श्रियं कुवलयस्य निजाङ्गलक्ष्म्या ।Hartum Shriyam Kuvalayasya Nijanga Lakshmya

भेरीनिनादमिव बिभ्रति तीव्रनादंBheri Ninadam Iva Bibhrati Tivra Nadam

शेषाद्रिशेखरविभो तव सुप्रभातम् ॥१२॥12॥॥12॥Sheshadri Shekhara Vibho Tava Suprabhatam

श्रीमन्नभीष्टवरदाखिललोकबन्धोSriman Abhishta Varadakhila Loka Bandho

श्रीश्रीनिवास जगदेकदयैकसिन्धो ।Sri Srinivasa Jagadeka Dayaika Sindho

श्रीदेवतागृहभुजान्तरदिव्यमूर्तेSri Devata Griha Bhujantara Divya Murte

श्रीवेङ्कटाचलपते तव सुप्रभातम् ॥१३॥13॥॥13॥Sri Venkatachalapate Tava Suprabhatam

श्रीस्वामिपुष्करिणिकाप्लवनिर्मलाङ्गाःSri Swami Pushkarinika Plava Nirmalangah

श्रेयोऽर्थिनो हरविरिञ्चिसनन्दनाद्याः ।Shreyorthino Hara Viranchi Sanandanadyah

द्वारे वसन्ति वरवेत्रहतोत्तमाङ्गाःDvare Vasanti Vara Vetra Hatottamangah

श्रीवेङ्कटाचलपते तव सुप्रभातम् ॥१४॥14॥॥14॥Sri Venkatachalapate Tava Suprabhatam

श्रीशेषशैलगरुडाचलवेङ्कटाद्रि-Sri Shesha Shaila Garudachala Venkatadri

नारायणाद्रिवृषभाद्रिवृषाद्रिमुख्याम् ।Narayanadri Vrishabhadri Vrishadri Mukhyam

आख्यां त्वदीयवसतेरनिशं वदन्तिAkhyam Tvadiya Vasater Anisham Vadanti

श्रीवेङ्कटाचलपते तव सुप्रभातम् ॥१५॥15॥॥15॥Sri Venkatachalapate Tava Suprabhatam

सेवापराः शिवसुरेशकृशानुधर्म-Sevaparah Shiva Suresha Krishanu Dharma

रक्षोऽम्बुनाथपवमानधनाधिनाथाः ।Rakshombunatha Pavamana Dhanadhinathah

बद्धाञ्जलिप्रविलसन्निजशीर्षदेशाःBaddhanjali Pravilasan Nija Shirsha Deshah

श्रीवेङ्कटाचलपते तव सुप्रभातम् ॥१६॥16॥॥16॥Sri Venkatachalapate Tava Suprabhatam

धाटीषु ते विहगराजमृगाधिराज-Dhatishu Te Vihagaraja Mrigadhiraja

नागाधिराजगजराजहयाधिराजाः ।Nagadhiraja Gajaraja Hayadhirajah

स्वस्वाधिकारमहिमाधिकमर्थयन्तेSvasvadhikara Mahimadhikam Arthayante

श्रीवेङ्कटाचलपते तव सुप्रभातम् ॥१७॥17॥॥17॥Sri Venkatachalapate Tava Suprabhatam

सूर्येन्दुभौमबुधवाक्पतिकाव्यसौरि-Suryendu Bhauma Budha Vakpati Kavya Sauri

स्वर्भानुकेतुदिविषत्परिषत्प्रधानाः ।Svarbhanu Ketu Divishat Parishat Pradhanah

त्वद्दासदासचरमावधिदासदासाःTvaddasa Dasa Charamavadhi Dasa Dasah

श्रीवेङ्कटाचलपते तव सुप्रभातम् ॥१८॥18॥॥18॥Sri Venkatachalapate Tava Suprabhatam

त्वत्पादधूलिभरितस्फुरितोत्तमाङ्गाःTvat Pada Dhuli Bharita Sphuritottamangah

स्वर्गापवर्गनिरपेक्षनिजान्तरङ्गाः ।Svargapavarga Nirapeksha Nijantarangah

कल्पागमाकलनयाकुलतां लभन्तेKalpagamakalanayakulatam Labhante

श्रीवेङ्कटाचलपते तव सुप्रभातम् ॥१९॥19॥॥19॥Sri Venkatachalapate Tava Suprabhatam

त्वद्गोपुराग्रशिखराणि निरीक्षमाणाःTvad Gopuragra Shikharani Nirikshamanah

स्वर्गापवर्गपदवीं परमां श्रयन्तः ।Svargapavarga Padavim Paramam Shrayantah

मर्त्या मनुष्यभुवने मतिमाश्रयन्तेMartya Manushya Bhuvane Matim Ashrayante

श्रीवेङ्कटाचलपते तव सुप्रभातम् ॥२०॥20॥॥20॥Sri Venkatachalapate Tava Suprabhatam

श्रीभूमिनायक दयादिगुणामृताब्धेSri Bhumi Nayaka Dayadi Gunamritabdhe

देवाधिदेव जगदेकशरण्यमूर्ते ।Devadhideva Jagadeka Sharanya Murte

श्रीमन्ननन्तगरुडादिभिरर्चिताङ्घ्रेSriman Ananta Garudadibhir Architanghre

श्रीवेङ्कटाचलपते तव सुप्रभातम् ॥२१॥21॥॥21॥Sri Venkatachalapate Tava Suprabhatam

श्रीपद्मनाभ पुरुषोत्तम वासुदेवSri Padmanabha Purushottama Vasudeva

वैकुण्ठ माधव जनार्दन चक्रपाणे ।Vaikuntha Madhava Janardana Chakrapane

श्रीवत्सचिह्न शरणागतपारिजातSrivatsa Chihna Sharanagata Parijata

श्रीवेङ्कटाचलपते तव सुप्रभातम् ॥२२॥22॥॥22॥Sri Venkatachalapate Tava Suprabhatam

कन्दर्पदर्पहरसुन्दरदिव्यमूर्तेKandarpa Darpa Hara Sundara Divya Murte

कान्ताकुचाम्बुरुहकुड्मललोलदृष्टे ।Kanta Kuchamburuha Kudmala Lola Drishte

कल्याणनिर्मलगुणाकरदिव्यकीर्तेKalyana Nirmala Gunakara Divya Kirte

श्रीवेङ्कटाचलपते तव सुप्रभातम् ॥२३॥23॥॥23॥Sri Venkatachalapate Tava Suprabhatam

मीनाकृते कमठकोलनृसिंहवर्णिन्Minakrite Kamatha Kola Nrisimha Varnin

स्वामिन् परश्वथतपोधन रामचन्द्र ।Svamin Parashvatha Tapodhana Ramachandra

शेषांशराम यदुनन्दन कल्किरूपSheshamsha Rama Yadunandana Kalki Rupa

श्रीवेङ्कटाचलपते तव सुप्रभातम् ॥२४॥24॥॥24॥Sri Venkatachalapate Tava Suprabhatam

एलालवङ्गघनसारसुगन्धितीर्थंEla Lavanga Ghanasara Sugandhi Tirtham

दिव्यं वियत्सरिति हेमघटेषु पूर्णम् ।Divyam Viyat Sariti Hema Ghateshu Purnam

धृत्वाऽद्य वैदिकशिखामणयः प्रहृष्टाःDhritvadya Vaidika Shikhamanayah Prahrishtah

तिष्ठन्ति वेङ्कटपते तव सुप्रभातम् ॥२५॥25॥॥25॥Tishthanti Venkatapate Tava Suprabhatam

भास्वानुदेति विकचानि सरोरुहाणिBhasvan Udeti Vikachani Saroruhani

सम्पूरयन्ति निनदैः ककुभो विहङ्गाः ।Sampurayanti Ninadaih Kakubho Vihangah

श्रीवैष्णवास्सततमर्थितमङ्गलास्तेSri Vaishnavas Satatam Arthita Mangalaste

धामाश्रयन्ति तव वेङ्कट सुप्रभातम् ॥२६॥26॥॥26॥Dhamashrayanti Tava Venkata Suprabhatam

ब्रह्मादयस्सुरवरास्समहर्षयस्तेBrahmadayas Suravaras Samaharshayaste

सन्तस्सनन्दनमुखास्त्वथ योगिवर्याः ।Santas Sanandana Mukhas Tvatha Yogivaryah

धामान्तिके तव हि मङ्गलवस्तुहस्ताःDhamantike Tava Hi Mangala Vastu Hastah

श्रीवेङ्कटाचलपते तव सुप्रभातम् ॥२७॥27॥॥27॥Sri Venkatachalapate Tava Suprabhatam

लक्ष्मीनिवास निरवद्यगुणैकसिन्धोLakshmi Nivasa Niravadya Gunaika Sindho

संसारसागरसमुत्तरणैकसेतो ।Samsara Sagara Samuttaranaika Seto

वेदान्तवेद्यनिजवैभव भक्तभोग्यVedanta Vedya Nija Vaibhava Bhakta Bhogya

श्रीवेङ्कटाचलपते तव सुप्रभातम् ॥२८॥28॥॥28॥Sri Venkatachalapate Tava Suprabhatam